fbpx
newskarobar-job-vacancy
Nepal Mediciti

गृहपृष्ठ मुख्यमन्त्री राहत कोषमा ७४ लाख रुपैयाँ जम्मा

मुख्यमन्त्री राहत कोषमा ७४ लाख रुपैयाँ जम्मा

हावाहुरी पीडितका लागि सहयोग संकलन गर्न प्रदेश २ सरकारले सञ्चालनमा ल्याएको मुख्यमन्त्री राहत कोषमा करीब ७४ लाख रुपैयाँ जम्मा भएको छ । राहत तथा उद्धार व्यवस्थापन समितिले कोषमा करीब ७४ लाख रुपैयाँ जम्मा भएको जनाएको हो ।

गत आइतबार बारा र पर्सामा आएको विनाशकारी हावाहुरीपछि कोष खोलिएको हो । प्रदेश २ का आन्तरिक मामिला तथा कानून मन्त्री समेत रहेको संयोजक ज्ञानेन्द्र कुमार यादवले चैत १७ गते खाता खुलेयता ७३ लाख ५४ हजार ३ सय ३० रुपैयाँ जम्मा भएको जानकारी दिए।

चैत १८ गते देखि चालु भएको राष्ट्रिय वाणिज्य बैंकको खाता नम्बर १२२०५०३०००००० मा सो दिन १ लाख १० हजार ६ सय ६२ रुपैयाँ, १९ गते ४ लाख ५ हजार ६ सय ६८ रुपैयाँ र २० गते ८ लाख १९ हजार रुपैयाँ, २१ गते १४ लाख र २२ गते ४६ लाख १९ हजार रुपैयाँ जम्मा भएको छ।

प्रदेश २ सरकारले बारा–पर्सामा विनासकारी हावाहुरीमा परि मृत्यु भएका परिवारलाई ३ लाख रुपैयाँको दरले क्षतिपूर्ति दिने घोषणा गरेको छ ।

प्रकाशित समय ०७:१० बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु