आम आदमी पार्टीका तर्फबाट दिल्ली विधानसभा सदस्य अल्का लम्बाले नेपालीप्रति आपत्तिजनक अभिव्यक्ति दिएको छिन् । भारतीय प्रधानमन्त्री नरेन्द्र मोदीलाई कटाक्ष गर्न लम्बाले नेपालीप्रति यस्तो अभिव्यक्ति दिएकी हुन् ।

लम्बाले ट्वीट गर्दै भनेकी छिन्, ‘प्रिय, भारतवासी, यो पटक प्रधानमन्त्री नै चुन्नुहोला । चौकिदार त नेपालबाट पनि मगाउन पनि सकिन्छ । नेपालका चौकिदार चोर हुँदैनन् ।’

प्रिय #भारतवासियों
“कृप्या इस बार #प्रधानमंत्री चुनियेगा,#चौकीदार तो #नेपाल से भी मंगवा सकते हैं”.

नेपाल के #चौकीदार #चोर नही होते ;).#LokSabhaElections2019

— Alka Lamba (@LambaAlka) March 12, 2019

लम्बाको उक्त ट्वीटको कडा आलोचना भइरहेको छ ।

यद्यपी कुनै एक राष्ट्रको विधानसभा सदस्यले अर्को राष्ट्रका नागरिकको मानमर्दन हुने गरी अभिव्यक्ति दिनुलाई उचित मानिँदैन । भारतमा निवर्वाचन नजिकिँदो छ । यस्तो अवस्थामा विपक्षीलाई कम देखाउने बहानामा अर्को राष्ट्रको गरिमामा चोट पुर्याउने कार्य उचित होइन ।

आफ्नो ट्वीटको चर्को आलोचना भएपछि लम्बाले पुनः अर्को ट्वीट गरेकी छिन् । जसमा उनले चौकिदार अपमानजनक शब्द नभएको प्रष्टिकरण दिएकी छिन् । लम्बाले यस ट्वीटमा भारतीय प्रधानमन्त्री नरेन्द्र मोदीले यो शब्दलाई अपमानजनक तुल्याएको तर वास्तविकता त्यस्तो नभएको स्पष्टीकरण दिएकी छिन् ।

केही समय पहिले भारतीय प्रधानमन्त्री मोदीले आफू भारतको चौकिदार भएको अभिव्यक्ति दिएका थिए । लम्बाको ट्वीट त्यसैप्रति लक्षित छ । तर, चौकिदार नेपालबाट मगाउन सकिन्छ भन्नु आपत्तिजनक रहेको प्रतिक्रिया उनको ट्वीटका रिप्लाइमा देख्न सकिन्छ ।

लम्बाले दोस्रो ट्वीटमा भनेकी छिन्, ‘हाम्रो देशका प्रधानमन्त्रीले जबदेखि आफूलाई चौकिदार भन्न थाल्नुभयो तबदेखि नेपालीहरूलाई चौकिदार शब्द गाली जस्तो लाग्न थाल्यो । तर, चौकिदार शब्दमा एक विश्वास-भरोसा लुकेको हुन्छ । त्यत्तिकै कसैले पनि आफ्नो सबैथोक कसैलाई सुम्पेर आरामले निदाउँन सक्दैन । फर्जी नेपालीले मात्र भक्तले बोल्ने भाषा बोल्न सक्छन् । चिन्ता छैन ।’

हमारे देश का प्रधानमंत्री जब से खुद को चौकीदार कहने लगा है,तब से नेपाल के लोगों को चौकीदार शब्द गाली लगने लगा है,जब कि चौकीदार शब्द में एक विश्वास-भरोसा छुपा है,यूँ ही नही कोई अपना सब कुछ किसी को सौप पर चैन से सोता है,
फ़र्जी नेपाली ही भक्तों वाली भाषा बोल सकते हैं।
चिंता नही:). https://t.co/Cvs21BkuEp

— Alka Lamba (@LambaAlka) March 12, 2019

भारतीय प्रधानमन्त्री नरेन्द्र मोदीले आफूलाई चौकिदार बताएपछि भारतीय कांग्रेस अध्यक्ष राहुल गान्धीले चौकिदार नै चोर भएको टिप्पणी गरेका थिए । लम्बा सन् २०१५ मा दिल्लीमा भएको विधानसभा निर्वाचनमा आम आदमी पार्टीको तर्फबाट निर्वाचित भएकी थिइन् । दिल्लीमा अहिले आम आदमी पार्टीको सरकार छ । अरविन्द केजरीवाल दिल्लीका मुख्यमन्त्री छन् ।

प्रकाशित समय १३:५२ बजे