Nepalese Flag २०७९ असार १३ गते सोमबार   |   June 27, 2022

पाँच अर्ब रुपैयाँ बराबरको ऋणपत्र निष्कासन गर्दै सानिमा बैंक 

न्युज कारोबार काठमाडौं असार ९, २०७९       

jeewan-bima-jaruri-chha पाँच अर्ब रुपैयाँ बराबरको ऋणपत्र निष्कासन गर्दै सानिमा बैंक 

सानिमा बैंकले पाँच अर्ब रुपैयाँ बराबरको ऋणपत्र निष्कासन गर्न लागेको छ । १० असार शुक्रबारबाट ऋणपत्र निष्कासन गर्न लागेको बैंकले प्रतिइकाई १ हजार रुपैयाँको दरमा ५० लाख इकाई ऋणपत्र जारी गर्ने जनाएको छ ।

यसमध्ये ३० लाख इकाई बैंकले आफ्नै पहलमा अन्य संघसंस्थालाई बिक्री गर्ने भएको छ । बाँकी २० लाख इकाई सर्वसाधारणका लागि खुला हुने छ । 

यस ऋणपत्रमा सामूहिक लगानी कोषबाट कुनै आवेदन नपरेकाले २० लाख इकाई नै सर्वसाधारणलाई निष्कासन गर्ने कम्पनीले जनाएको छ ।

सानिमाले १० वर्ष अवधिको ‘१०.२५ प्रतिशत सानिमा डिबेन्चर २०८९’ अर्थात् वार्षिक १०.२५ प्रतिशत ब्याजदर जारी गर्दै छ । बिक्री प्रबन्धकको काम आरबीबी मर्चेन्टले गर्ने छ ।

ऋणपत्रमा १४ असारसम्म आवेदन दिन पाइने छ । सो समयसम्म सबै ऋणपत्र बिक्री नभएमा असार २४ गतेसम्म खुला रहने छ । न्यूनतम २५ इकाइदेखि अधिकतम २० लाख इकाईसम्म आवेदन दिन सकिने छ । 

सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत् अनलाइनबाट आवेदन दिन सकिने छ ।
 

सम्बन्धित खबरहरु