Nepalese Flag २०७९ असार १३ गते सोमबार   |   June 27, 2022

छुट्टाछुट्टै सवारी दुर्घटनामा पाँच जनाको मृत्यु  

न्युज कारोबार काठमाडौं असार ८, २०७९       

jeewan-bima-jaruri-chha छुट्टाछुट्टै सवारी दुर्घटनामा पाँच जनाको मृत्यु  

काठमाडौँ, बारा, दैलेख र मोरङमा भएको सवारी दुर्घटनामा परी पाँच जनाको मृत्यु भएको छ । काठमाडौँको शंखरापुर नगरपालिका–१ देउराली भञ्ज्याङमा प्र३–०१–००६ ख ३४७४ नम्बरको टिपरको ठक्करबाट पैदलयात्रीको मृत्यु भएको छ । 

मृत्यु हुनेमा सिन्धुपाल्चोक मेलम्ची नगरपालिका–१३ फटकसिला बस्ने ३९ वर्षीया लिलामाई दनुवार रहेकी छन् । उनको मंगलबार राति घटनास्थलमै मृत्यु भएको प्रहरीले जनाएको छ । टिपर चालकलाई प्रहरीले नियन्त्रणमा लिएको छ । 

बाराको कलैया उपमहानगरपालिका–२७ मौजेरामपुरमा ना२८प७७६८ र ना३४ प ७९२२ नम्बरको दुईवटा मोटरसाइकल ठोक्किँदा एक जनाको मृत्यु भएको छ । 

मृत्यु हुनेमा ना३४प ७९२२ नम्बरको मोटरसाइकलमा सवार करैयामाई गाउँपालिका–१ बस्ने २२ वर्षीय तबरेज आलम रहेका छन् ।

दैलेखको भगवतीमाई गाउँपालिका–७ खोरस्थित सडकमा क प्र०२–००१ त ०२४८ नम्बरको ट्याक्टर मंगलबार साँझ दुर्घटना हुँदा एक जनाको मृत्यु भएको छ । मृत्यु हुनेमा ट्याक्टरमा सवार सोही ठाउँ बस्ने १८ वर्षीय जगतबहादुर विक रहेका छन् । 

मोरङको पथरी शनिश्चरे नगरपालिका–२ स्थित सडकमा प्रदेश १–०२–०४७ प ००१५ नम्बरको मोटरसाइकलको ठक्करबाट पैदलयात्रीको मृत्यु भएको छ । मृत्यु हुनेमा सोही ठाउँ बस्ने ५० वर्षीया बिमला खड्का रहेकी छन् । 

यसैगरी मोरङको सुन्दरहरैचा नगरपालिका–११ स्थित सडकमा को३३प ४२४१ नम्बरको मोटरसाइकल मंगलबार साँझ दुर्घटना हुँदा एक जनाको मृत्यु भएको छ । मृत्यु हुनेमा मोटरसाइकलमा सवार ३० वर्षीया देवकुमारी श्रेष्ठ रहेकी छन् । 

सम्बन्धित खबरहरु