Nepalese Flag २०७९ असार १३ गते सोमबार   |   June 27, 2022

टेलिकमको डाटा तथा भ्वाइस प्याक अब नमस्ते पेबाट लिन सकिने

न्युज कारोबार काठमाडौं जेठ २९, २०७९       

jeewan-bima-jaruri-chha टेलिकमको डाटा तथा भ्वाइस प्याक अब नमस्ते पेबाट लिन सकिने

नेपाल टेलिकमको डाटा तथा भ्वाइस प्याक सुविधाहरु नमस्ते पे एपबाट लिन पाइने भएको छ । नमस्ते पे प्रयोगकर्ताले अब नमस्ते पे वालेट ब्यालेन्समार्फत नेपाल टेलिकमले उपलब्ध गराएको डाटा तथा भ्वाइसका जुनसुकै प्याक खरिद गर्न सक्नेछन् ।

नमस्ते पे प्रयोगकर्ताले आगामी दिनहरुमा नेपाल टेलिकमको डाटा र भ्वाइस प्याकहरूमा आकर्षक लाभ लिन सक्ने कम्पनीको दावी छ ।

नमस्ते पे अन्तर्गत इन्टरनेट र स्मार्ट फोन आवश्यक नपर्नेगरी, बैंक र वित्तीय पहुँच नभएका ग्रामीण क्षेत्रमा यूएसएसडी मार्फत भुक्तानी गर्न सकिन्छ । मोबाइल एपमार्फत अन्य क्षेत्रमा समेत आधुनिक र सरल डिजिटल भुक्तानी सेवा प्रदान गर्ने सुविधा यसमा छ ।

प्रविधिको प्रयोगमार्फत सरल र सुरक्षित डिजिटल भुक्तानी सेवा प्रदान गरी बैंक र डिजिटल प्रविधिमा पहुँच भएका तथा नभएका सबै उपभोक्तालाई आधुनिक वित्तीय सेवा प्रदान गर्नु यस वालेट सेवाको प्रमुख उद्देश्य रहेको कम्पनीको भनाइ छ ।

सम्बन्धित खबरहरु