नबिल बैंकले गत वर्ष तयार पारेको दसैं भिडियोको अपार सफलतापश्चात् यो वर्ष पनि 'नयाँ लुगा' नामक दसैंको भिडियो सार्वजनिक गरेको छ । यस नयाँ भिडियो नेपालीहरुको महान चाड दसैं मनाउन सहरमा बसोबास गर्ने र दसैं मनाउन गाउँ फर्कने कथामा आधारित छ ।

यो कथा आम नेपालीहरुको आत्मकथा पनि भएको बैंकले जनाइएको छ । भिडियोमा एक जना बाबा सहरमा जागिर गर्दछन । घरबाट छोरीको फोन आउँदछ, दसैंमा नयाँ कपडा ल्याइदिनु भनेर ।उनी छोरी एवं श्रीमतीको खुशीका निम्ती दसैं किनमेल गरेर गाउँ फर्किन्छन् । फर्किदा, बाटो बिग्रेर जाममा पर्दछ तर परिवारको माया अनि खुशीको लागि उनी रात भरी हिंडेर गाउ पुग्दछन् । यो कथालाई भिडियोमा निकै मार्मिक ढंगले प्रस्तुत गरिएको छ । घर पुग्दा छोरी, आमा अनि छोरीको साथीसमेत सबै जना खुशी भई दसैं मनाउने तयारी गर्दछन र अब जागिर खान सहर जाने होइन गाउँमा नै केही गर्नु पर्दछ भन्ने सन्देश पनि भिडियोले दिएको छ ।

यसैगरी दसैंको यस भिडियोले सकभर दसैंमा आफ्नो परिवारसँग भेटी सुरक्षित साथ खुशी साटासाट गरैं भन्ने सन्देश सरल ढंगले दिएको छ । जसले पहिले जस्तै सबैको मन जित्नेछ भन्ने बैंकले अपेक्षा लिएको छ । भिडियो हेर्नको लागि युट्युब : https://youtu.be/p8zsDtiJwDY, फेसबुक :https://fb.watch/8ypXHXNZVl/  र इन्स्टाग्राम: https://www.instagram.com/tv/CUxS6wZhiES/?utm_source=ig_web_copy_link मा गएर हेर्न सकिने बैंकले जनाइएको छ ।

प्रकाशित समय : १४:५४ बजे