Nepalese Flag २०७८ साउन १५ गते शुक्रबार   |   July 30, 2021

कक्षा १२ को परीक्षा साउन ३१ देखि

न्युज कारोबार काठमाडौं साउन ५, २०७८       

कक्षा १२ को परीक्षा साउन ३१ देखि

कक्षा १२ को परीक्षा साउन ३१ गतेदेखि सुरु हुने भएको छ । साउन ३१ गतेबाट परीक्षा सञ्चालन गर्ने मंगलबार राष्ट्रिय परीक्षा बोर्डका अध्यक्ष चन्द्रमणि पौडेलको अध्यक्षतामा बसेको बैठकले त्यस्ताे निर्णय गरेको हो ।

परीक्षा उपनियन्त्रक सुवास पन्तका अनुसार विद्यार्थीले परीक्षा सम्बन्धित विद्यालयबाटै अर्थात् होम सेन्टरबाटै दिन पाउनेछन् । परीक्षा भदौ ९ गतेसम्म हुने भएको छ । परीक्षा अवधिमा गाइजात्रा र जनैपूर्णिमाको दिन बिदा दिएर शनिबार पनि परीक्षा सञ्चालन गरिनेछ ।

गत जेठ २६ गते तय भएको परीक्षा दोस्रो लहरको कोरोना संक्रमणको तीव्र गतिमा फैलन थालेपछि स्थगित भएको थियो । यसपटक तीन लाख ८६ हजार विद्यार्थीले परीक्षा फाराम भरेको परीक्षा नियन्त्रण कार्यलयले जनाएको छ ।

सम्बन्धित खबरहरु