Nepalese Flag २०७८ साउन १५ गते शुक्रबार   |   July 30, 2021

भीमकुल सहकारीबाट ३२ लाख रूपैयाँ चोरी

न्युज कारोबार गोरखा असार २६, २०७८       

भीमकुल सहकारीबाट ३२ लाख रूपैयाँ चोरी

भीमसेन थापा गाउँपालिका-७ बोर्लांगस्थित भीमकुल बचत तथा ऋण सहकारी संस्थाबाट गए राति करिब ३२ लाख रूपैयाँ नगद चोरी भएको छ । मध्यरातमा सरकारी कार्यालयको च्यानल गेट फुटाएर भित्रपसी नगद चोरी भएको सहकारीका सञ्चालक समिति सदस्य बुद्धि श्रेष्ठले जानकारी दिए ।

सहकारीमा कारोबार भएको रकम करिब ५२ लाखमध्ये ३२ लाख चोरी भएको उनले बताए । 'भीमकुल बचत तथा ऋण सहकारी संस्था जिल्लाकै उत्कृष्ट सहकारी हो,'  उनले भने, 'यहाँ दैनिक २० देखि ३० लाख रूपैयाँ कारोबार हुन्छ ।' असार मसान्त भएकाले कारोबार अझ बढी भएको उनको भनाइ छ । 

'शुक्रबार बेलुकीसम्म जम्मा भएको नगद आइतबार सदरमुकामस्थित बैंकमा जम्मा गर्ने तयारीमा थियौँ,' श्रेष्ठले भने, 'लगातारको वर्षाका कारण सदरमुकामसम्म पुग्न कठिन भएकाले समस्या भइरहेको थियो ।' सीसीटीभी फुटेजमा चोरीमा संलग्नले ताल्चा फुटाउन प्रयोग गरिने सामग्री बोकेर आएको देखिएको श्रेष्ठले बताए । (रासस)

सम्बन्धित खबरहरु