Nepalese Flag २०७८ असोज ११ गते सोमबार   |   September 27, 2021

इंगल्यान्डले ५५ वर्षपछि जित्यो जर्मनीलाई, युरोकपको क्वाटरफाइनलमा प्रवेश

न्युज कारोबार काठमाडौं असार १६, २०७८       

इंगल्यान्डले ५५ वर्षपछि जित्यो जर्मनीलाई, युरोकपको क्वाटरफाइनलमा प्रवेश

विश्व कपको सबैभन्दा बढी विजेता जर्मनीलाई २-० गोलले पराजित गर्दै इंगल्यान्ड युरोकप २०२० को क्वाटरफाइनलमा प्रवेश गरेको छ । मंगलबार राति आफ्नै घरेलु मैदान वेम्बलीमा भएको खेलमा इंगल्यान्डका लागि रहिम स्टर्लिङले ७५ र कप्तान हेरी केनले ८०औँ मिनेटमा गोल गरेर जित हात पारेका हुन् । इंगल्यान्डले कुनै पनि प्रतियोगिताको नकआउट चरणमा ५५ वर्षदेखि जर्मनीलाई हराएको थिएन । युरोकपको २०२० को नकआउटमा भने इंगल्यान्डले हराएपछि जर्मनीको ५५ वर्षीय इतिहास तोडिएको हो ।

समूह डीको विजेता बन्दै प्रि क्वाटरफाइनलमा प्रवेश गरेको इंगल्यान्डले सेमीफाइनलमा प्रवेशका लागि स्विडेन र युक्रेनबीचको विजेतासँग प्रतिस्पर्धा गर्नेछ । तीन पटकको विजेता जर्मनी अघिल्ला लगातार तीन संस्करणमा कम्तिमा सेमिफाइनलसम्म पुगेको थियो । जर्मनी ग्रुप अप डेथबाट अगाडि बढेको थियो । त्यो समूहबाट आएका फ्रान्स र पोर्चुगल पनि बाहिरिसकेका छन् । 

सम्बन्धित खबरहरु