Nepalese Flag २०७८ जेठ ३० गते आइतबार   |   June 13, 2021

निकुञ्जमा मारिएका कर्मचारीको नामबाट छावाको नामकरण

न्युज कारोबार काठमाडौं जेठ १, २०७८       

निकुञ्जमा मारिएका कर्मचारीको नामबाट छावाको नामकरण फाइल तस्बिर

चितवन राष्ट्रिय निकुञ्जको हात्ती प्रजनन् तथा तालिम केन्द्रमा जन्मिएको एउटा छावाको नाम निकुञ्ज सुरक्षार्थ खटिएका अवस्थामा तस्करद्वारा मारिएका कर्मचारीका नामबाट राखिएको छ । एघार दिनअघि नारायणी कलिले जन्माएको भाले छावाको नाम शुक्रबार 'शेषचन्द्र गज' राखिएको हो ।

चितवन राष्ट्रिय निकुञ्जका प्रमुख संरक्षण अधिकृत अणनाथ बरालका अनुसार २०७१ साल असोज ९ गते कामकै सिलसिलामा हिँडेका निकुञ्जका कर्मचारी शेषचन्द्र चौधरीलाई तस्करले गोली हानी हत्या गरेका थिए । उनी ठोरीको दिवानगर पोष्टमा कार्यरत रहँदा बगइको जंगलमा गोली हानिएको थियो ।

निकुञ्जले संरक्षण सहिद घोषणा गर्नुपर्ने माग गरिरहेका चौधरीका सम्झनामा छावाको नाम राखिएको बरालले जानकारी दिए । चौधरीका स्मृतिमा माडी ठोरी हुलाकी सडकको निकुञ्ज क्षेत्रमा पार्टी र चौतारी बनाइने योजना रहेको बरालले जानकारी दिए । (रासस)

सम्बन्धित खबरहरु