चिनियाँ अनुदानका अक्सिजन सिलिन्डरलगायतका स्वास्थ्य सामग्री लिन नेपाल एयरलाइन्सको वाइडबडी जहाज शनिबार फेरि बेइजिङ जाने भएको छ । नेपाल एयरलाइन्सका महाप्रवन्धक डिमप्रकाश पौडेलका अनुसार वाइडबडी जहाज शनिबार साँझ बेइजिङ उड्दैछ । 

चीनको अनुदान सहयोगमा कम्तिमा ४ सय थान सिलिण्डर, ४ सय थान अक्सिजन कन्सन्ट्रेटर र अन्य चिकित्सा सामग्री ल्याउन नेपाल एअरलाइन्सको विमान चीन जान लागेको हो । यसअघि गत वैशाख २७ गते पनि पहिलो खेप स्वास्थ्य सामग्री लिन वाइडबडी जहाज चीनको राजधानी बेइजिङ गएको थियो । 

चार सय थान अक्सिजन सिलिन्डर, १६० थान अक्सिजन कन्सन्ट्रेटर, १० थान भेन्टिलेटर लगायतका सामग्री लिएर वैशाख २८ गते जहाज काठमाडौं आइपुगेको थियो । चीनले नेपाललाई २० हजार थान अक्सिजन सिलिन्डर अनुदानमा दिने घोषणा यसअघि नै गरिसकेको छ ।

The second batch of oxygen cylinders donated by China will be arriving in Kathmandu in the next few days! ✈️✈️ pic.twitter.com/0w3wi4arK9

— Ambassador Hou Yanqi (@PRCAmbNepal) May 14, 2021

प्रकाशित समय : १४:१८ बजे