Nepalese Flag २०७७ चैत २९ गते आइतबार   |   April 11, 2021

कुमारी बैंकको वार्षिकोत्सवमा रक्तदान र स्वास्थ्य शिविर सञ्चालन

न्युज कारोबार काठमाडौं चैत २५, २०७७       

कुमारी बैंकको वार्षिकोत्सवमा रक्तदान र स्वास्थ्य शिविर सञ्चालन

कुमारी बैंक लिमिटेडले आफ्नो २०औं वार्षिकोत्सवको अवसरमा आफ्ना देशव्यापी शाखाहरुबाट संस्थागत वातावरण संरक्षण गर्ने उद्देश्यले विभिन्न कार्यक्रमको आयोजना गरेको छ ।

संस्थागत सामाजिक उत्तरदायित्वअन्तर्गत बैंकको मेलम्ची शाखाले गत शनिबार थाङपालधापमा काठमाडौं मेडिकल कलेजको सहकार्यमा विशेषज्ञहरुबाट निशुल्क स्वास्थ्य शिविर सञ्चालन गरेको छ । कार्यक्रममा ७०० जनाभन्दा बढीको सहभागिता रहेको थियो । साथै, बैंकको कर्मचारी युनियनको नेतृत्वमा नक्साल शाखामा रक्तदान कार्यक्रम आयोजना गरिएको थियो । नेपाल रेडक्रस सोसाइटीको सहकार्यमा आयोजित रक्तदान कार्यक्रममा ११४ जनाले रक्तदान गरेका थिए ।

बैंकले देशका विभिन्न स्थानमा रहेका १९२ शाखा सञ्जाल, १६५ एटीएम, २६ शाखारहित बैंकिङ इकाई तथा १३ एक्सटेन्सन काउन्टरबाट अत्याधुनिक बैंकिङ सुविधा दिँदै आएको छ ।

सम्बन्धित खबरहरु