सोमबार २६६ जनामा कोरोना पुष्टि, ४ जनाको मृत्यु

न्युज कारोबार काठमाडौं चैत २३, २०७७

नेपालमा पछिल्लो २४ घण्टामा २६६ जनामा कोरोना संक्रमण पुष्टि भएको छ । यससँगै देशभर कोरोना संक्रमितको कुल संख्या २ लाख ७८ हजार २१० पुगेको छ ।

सोमबार ४ जनाको कोरोनाको कारण मृत्यु भएको छ । यससँगै देशभर हालसम्म कोरोनाबाट ज्यान गुमाउनको संख्या ३ हजार ३६ पुगेको छ । आज १०२ जना कोरोना संक्रमित डिस्चार्ज भएको स्वास्थ्य तथा जनसंख्या मन्त्रालयले जनाएको छ । यससँगै हालसम्म डिस्चार्ज हुनेको संख्या २ लाख ७३ हजार ३४२ पुगेको छ ।

हाल देशभर १ हजार ८ सय ३२ जना सक्रिय संक्रमित रहेका छन् । जसमध्ये ६४ जना क्वारेन्टिनमा छन् ।