नेपाली फुटबल टिमको प्रशिक्षकमा कुवेतका अब्दुल्लाह अलमुताइरी

न्युज कारोबार काठमाडौं चैत २२, २०७७

कुवेतका अब्दुल्लाह अलमुताइरी नेपाली फुटबल टिमको प्रशिक्षकमा नियुक्त भएका छन् । उनलाई तत्काल लागू हुने गरी अखिल नेपाल फुटबल संघ (एन्फा)ले राष्ट्रिय टिमको जिम्मेवारी दिएको हो ।

अब्दुल्लाहलाई एक वर्षका लागि नियुक्त गरिएको एन्फाले जनाएको छ । एन्फाका अनुसार आगामी जुन महिनामा हुने विश्वकप छनोटका खेल र आगामी सेप्टेम्बरमा हुने साफ च्याम्पियनसीपमा अब्दुल्लाहले नेपाली टिम सम्हाल्नेछन् । यसअघि नेपालकै बालगोपाल महर्जन प्रशिक्षकको भूमिका थिए र उनले नेपाललाई थ्री नेसन्स कप दिलाएका थिए ।

फिफा विश्वकप छनोटका लागि प्रो लाइसेन्स प्राप्त प्रशिक्षक चाहिने भएपछि एन्फाले अब्दुल्लाहलाई मुख्य प्रशिक्षकको जिम्मेवारी दिएको हो ।