सभा‑सम्मेलन नगर्न जिल्ला प्रशासन मकवानपुरको अनुरोध

न्युज कारोबार मकवानपुर चैत १०, २०७७

जिल्ला प्रशासन कार्यालय मकवानपुरले कोरोनाको सङ्क्रमण नियन्त्रणका लागि भेला एवं सम्मेलन नगर्न सर्वसाधारणलाई अपिल गरेको छ । कार्यालयले सोमबार एक सूचना प्रकाशित गर्दै विश्वभरि तथा छिमेकी मुलुक भारतमा कोरोना सङ्क्रमण बढेकाले मकवानपुर जिल्लामा सभा, सम्मेलन, भेला जुलुस, र्याली र जमघटलगायतका भीडभाड हुने काम नगर्न अपिल गरेको हो ।

प्रशासनले भौतिक दूरी कायम गर्न र जनस्वास्थ्यका मापदण्ड पालना गर्न सर्वसाधारणलाई अनुरोधसमेत गरेको छ । भारतमा तीव्र दरमा कोरोना संक्रमण फैलिएपछि नेपालमा उच्च सतर्कता अपनाउन थालिएको छ ।