Nepalese Flag २०७७ चैत २९ गते आइतबार   |   April 11, 2021

‘रेमिट्यान्सको दुरुपयोग’ले बढाउँदै सम्बन्ध बिच्छेद

न्युज कारोबार बागलुङ फागुन २०, २०७७       

‘रेमिट्यान्सको दुरुपयोग’ले बढाउँदै सम्बन्ध बिच्छेद

बागलुङमा बर्सेनि सम्बन्ध बिच्छेदका घटना बढ्दै गएको छ । जिल्ला अदालत बागलुङमा परेका मुद्दा र फैसलाको तथ्यांकअनुसार सम्बन्ध बिच्छेद बढ्दो क्रममा देखिएको छ । २०७४ मा नयाँ मुलुकी संहिता लागू भएपछि सम्बन्ध बिच्छेदका जटिलतामा धेरै सहजता आएको छ ।

महिला या पुरुषमध्ये कुनै एक पक्षले चाहे अदालतमा सम्बन्ध बिच्छेद मुद्दा दर्ता गर्नसक्ने व्यवस्था छ । यसैकारण पनि महिला र पुरुष दुवैले सम्बन्ध बिच्छेद गर्ने क्रम बढेको अदालतले जनाएको छ ।

जिल्ला अदालत बागलुङमा चाल आर्थिक वर्ष २०७७/०७८ को सात महिनासम्म ११६ सम्बन्ध बिच्छेदका मुद्दा दर्ता भएको जिल्ला अदालत बागलुङका स्रेस्तेदार सूर्यप्रसाद भण्डारीले जानकारी दि । कोरोना भयावहका कारण लामो समय अदालती सेवा बन्द हुँदा पनि य वर्ष ११६ सम्बन्ध बिच्छेदका मुद्दा परेका हुन् ।

गत आर्थिक वर्ष २०७६/०७७ मा सम्बन्ध बिच्छेदका १८६ मुद्दा दर्ता भएका थिए । यो आवमा अघिल्लो वर्षबाट सरेर आएक महिलाबाट दर्ता भएका ३२ र पुरुषबाट दर्ता भएका ४० गरी ७६ सम्बन्ध बिच्छेदका घटनामध्ये पुरुषद्वारा दर्ता गरिएका २२ र महिलाबाट दर्ता गरिएका १८ गरी ४० मुद्दा फर्छ्योट गरिएको छ । चालीस सम्बन्ध बिच्छेदका घटनामा अझै फैसला हुन बाँकी छ ।

चालू आवको फागुन १८ गतेसम्म दर्ता भएका सम्बन्ध बिच्छेदका ११६ मुद्दामध्ये महिलाबाट ९४ मुद्दा दर्ता भएका छन् भने पुरुषबाट २२ मुद्दा दर्ता भएका छन् । तीमध्ये महिलाले दर्ता गरेका ६८ मुद्दामा मिलापत्र गरिएको छ भने पुरुषले दर्ता गरेका आठ मुद्दामा मिलापत्र गरिएको छ । चालीस मुद्दा फैसला हुन बाँकी रहेको स्रेस्तेदार भण्डारीको भनाइ छ । 

वैदेशिक रोजगारी, रेमिट्यान्सको दुरुपयोग, बढ्दो सामाजिक सञ्जालको प्रयोग, महिला हिंसा, अन्याय सहनु हुन्न भन्ने सोच, चेतना र जागरणको विकास भएकाले सम्बन्ध बिच्छेदका घटना बढ्दै गएको जिल्ला अदालत बागलुङका न्यायाधीश वासुदेव न्यौपाने बताउँछन् । 'युवा विवाह गरेर विदेश जान्छन्, श्रीमतीलाई बजारमा बसाउने प्रचलन बढ्दो छ, उनीहरु हरमा विलासी जीवन बिताउन चाहन्छन्, सामाजिक सञ्जालका कारण श्रीमान‑श्रीमतीमा आशंका पैदा हुन्छ, चरित्रको आरोप लाग्छ,' ले भने, 'यसरी सम्बन्ध बिच्छेदको मुद्दा दर्ता गर्नेमा महिलामात्रै हुन्थे, अहिले नयाँ व्यवस्थानुसार पुरुष पनि आएका छन्, यसमा चारित्रिक विषयका साथै रेमिट्यान्सको विषय मुख्य देखिन्छ, विदेशबाट पठाएको पैसा कहाँ गयो ? भनेर सोधखोज गर्दा धेरै जोडीमा विवाद बढेर सम्बन्ध बिच्छेदमा पुगेको पाएका छौँ ।' विवाह भनेको आपसी बुझाइ र सहमतिसहितको सम्बन्ध भएकाले पुरुष र महिला दुवै जिम्मेवार बन्नुपर्ने उनले बताए ।

यस्तै चाल आवको हालसम्म जिल्ला अदालत बागलुङमा ज्यान मुद्दासम्बन्धी आठ, बहुविवाह पाँच, जबर्जस्ती करणीसम्बन्धी १७, लागु औषधसम्बन्धी पाँच, चोरीसम्बन्धी नौ, आत्महत्या दुरुत्साहनसम्बन्धी दुई, बाल यौन दुरुपयोगसम्बन्धी दुई, अपहरण गरी बन्धकसम्बन्धी दुई, पशुपन्छीको कसुर , बोक्सी आरोपसम्बन्धी एक, विवाह बदर एक, बालविवाह एक, ंगठित ठगी एक, हातहतियारसम्बन्धी १०, करारको यथावत परिपालन एक, झुठो विवरण पे गरी नागरिकता लिएको एक र घरेलु हिंसासम्बन्धी आठ मुद्दा परेको जिल्ला अदालत बागलुङले जनाएको छ ।

यस्ताखाले मुद्दामा जिम्मेवारी सरी आएका ३०३ बाट १२४ फैसला भई १७९ मुद्दा फैसला हुन बाँकी छ । यो आवमा नयाँ दर्ता भएका २९० मुद्दाबाट ९७ फैसला भई १९४ बाँकी छ । अहिलेसम्म रहेका ५९३ मुद्दामा २२१ मुद्दा फैसला भएका छन् भने ३७२ मुद्दा बाँकी छन् । २०७४ भदौ १ गतेदेखि मुलकी ऐन २०२० विस्थापित भई नयाँ मुलुकी संहिता (देवानी, फौजदारी) लागू भएको थियो ।

पहिलो मुलुकी ऐन जारी भएको १६४ वर्षपछि नयाँ मुलुकी ऐन आएको हो । नयाँ मुलुकी ऐनमा पुरुषले पनि सम्बन्ध बिच्छेदको मुद्दा दर्ता गर्न सक्ने, वैवाहिक बलात्कार मुद्दा लाग्ने भएका छन् । (रासस)

सम्बन्धित खबरहरु