झापाको विर्तामोड नगरपालिका वडा नं. ०६ स्थित पूर्वाञ्चल क्यान्सर अस्पतालमा प्रभु बैंक लिमिटेडले एक्स्टेन्सन काउण्टर सञ्चालनमा ल्याएको छ । प्रधानमन्त्री केपी शर्मा ओली र प्रदेश १ का मुख्यमन्त्री शेरधन राईले काउण्टरको मंगलबार उद्घाटन गरेका हुन् ।

प्रभु बैंकको एक्स्टेन्सन काउण्टरबाट सम्बन्धित अस्पतालमा आउने सेवाग्राहीहरुलाई रकम जम्मा गर्न र अस्पतालको काम गर्न सहज र सरल हुने भएको छ । प्रभु बैंकको एक्स्टेन्सन काउण्टरबाट प्रवाह गरिने बैंकिङ सेवाबाट स्थानीयबासी तथा सेवाग्राहीहरुले बैंकको गुणस्तरीय बैंकिङ सेवा उपभोग गरी लाभान्वित हुने विश्वास बैंकले लिएको छ । एक्स्टेन्सन काउण्टर सञ्चालनपश्चात् अस्पतालको आर्थिक क्रियाकलाप बैंकिङ प्रणालीमार्फत हुने भई प्रशासनिक सहजता प्राप्त हुनेछ भन्ने बैंकले विश्वास लिएको छ । 

यसका साथै, समाजसेवी भावनाले सामाजिक क्रियाकलापहरुलाई निरन्तरता दिएको बैंकले स्वास्थ्य क्षेत्रसँग सम्बन्धित सेवाग्राहीहरुको सेवामा समेत उल्लेख्य योगदान पुर्‍याउने प्रतिवद्धता जनाएको छ । बैंकले २१३ वटा शाखा कार्यालय, १८९ एटीएम, ५८ वटा एक्स्टेन्सन काउण्टर तथा २ वटा शाखारहित बैंकिङ सेवामार्फत सेवा प्रवाह गरिरहेको छ ।

प्रकाशित समय : ००:५१ बजे