सिद्धार्थ बैंकले टिच फर नेपाललाई पाँच लाख रुपैयाँ सहयोग गरेको छ । बैंकका निर्देशक वीरेन्द्रकुमार शाहले मंगलबार टिच फर नेपाललाई पाँच लाख रूपैयाँ बराबरको चेक हस्तान्तरण गरेका हुन् ।

बैंकले समुदायिक विद्यालयको शैक्षिक गुणस्तर सुधार गर्न र सार्वजनिक शिक्षा सबल बनाउनका लागि टिच फर नेपालसँग सहकार्य गरेको जनाएको छ । सिद्धार्थ बैंकले सामाजिक उत्तरदायित्वअन्तर्गत ग्रामीण जिल्लाका सार्वजनिक विद्यालयमा गुणस्तरीय शिक्षा प्रदान गर्ने कार्यका लागि उक्त सहयोग गरेको हो ।

अभियानबाट देशका ग्रामीण जिल्लाका सार्वजनिक विद्यालयका बालबालिकालाई दुर्इ वर्षका लागि स्वयंसेवी शिक्षकको माध्यमबाट गणित, विज्ञान र अंग्रेजी विषयमा प्रशिक्षण दिने बैंकले जनाएको छ । बैंकको वित्तीय सहयोगले ग्रामीण जिल्लाका निम्न स्तरको सार्वजनिक विद्यालयमा गुणस्तरीय शिक्षा सुधारको लागि सहयोग पुग्ने टिच फर नेपालले जनाएको छ ।

प्रकाशित समय : ०१:१३ बजे