गृहपृष्ठ समाचारका लागि डिनर आउनुस् : सभामुख शाही
समाचारका लागि डिनर आउनुस् : सभामुख शाही
कर्णाली प्रदेशका सभामुख राजबहादुर शाहीले समाचारका लागि पत्रकारलाई डिनरमा आउन आग्रह गरेका छन् ।
विहिबार कर्णाली प्रदेश सभा सचिवालयले आयोजना गरेको सांसद र सञ्चार सम्बन्धको अन्तर्क्रियामा पत्रकारहरुको प्रश्नको जवाफमा सभामुख शाहीले यस्तो आग्रह गरेका हुन् । संसदिय मामीला पत्रकार समाज कर्णाली प्रदेशका अध्यक्ष शेरबहादुर थापाले पत्रकारहरुका लागि सहज रिपोर्टिङको व्यवस्था मिलाउन आग्रह गरेका थिए ।
त्यस्तै नेपाल पत्रकार संघ सुर्खेतका उपाध्यक्ष ललित बसेलले प्रदेश सरकारको एक वर्ष बितिसक्दा पनि मिडिया ग्यालेरी बनाउनमा ध्यान नदिएको र पत्रकारलाई समाचार संकलनमा असहजता भएको गुनासो गरेका थिए । पत्रकारहरुलाई रेकर्डर लैजान नदिइँदा समाचार संकलनमा कठिनाइ भएको पत्रकारहरुको गुनासो थियो ।
जवाफमा सभामुख राजबहादुर शाहीले संसद अत्यन्तै मर्यादित ठाउँ भएकोले पत्रकारलाई अतिथि बनाउन नमिल्ने बताए । उनले भने ‘समाचार लेख्न तपाइहरुलाई के चाहियो ? म डिनरको व्यवस्था गर्छु ।’
सभामुखको भनाइपछि केही पत्रकारले कार्यक्रम बहिस्कार गरेका थिए । कर्णाली प्रदेश सभामा संसदीय रिपोर्टिङका लागि अझै सहज वातावरण बन्न सकेको छैन । मिडिया ग्यालेरी, फुटेज, लगाएतको व्यवस्थापन नहुँदा समाचार संकलन गर्न कठिन भएको छ ।
प्रकाशित समय ०९:०४ बजे